開餐相

開番晚市就多咗外食。有精神有時間就upload下相。

一般光顧同路人店都見有hashtag。不過我主要想吸引面書啲不問社會不問世事熱愛食嘢嘅港_朋友,就刻意唔落hashtag,免得畀位佢地bias。反正同路人見到擺得上網就知,偶爾都見有啲成效。

新景園個咖喱真係無敵!

(從缺)

好久沒更新這裡了。除了工作忙、疲累,更多的是很多感受和情緒在這段日子沒法用文字去記述去抒解,選擇在內心慢慢消化和吞落肚。

***

某人的生日。我當然記得去年今日渡過的說過的。在選擇退場的日子裡,縱然有脆弱不堪想放棄的時候,但每次想起最後一夜別離的自己,就提醒那一刻討厭自己的感覺和絕望⋯ 也推著我走過這些日子。或者該慶幸工作有夠忙有夠勞累,累得連多看一刻電話的時間雙眼都捱不住,走過⋯ 正確說是走著這段⋯還未走完。

不過我還是說了句生日快樂。除此以外,也沒有勇氣能再做甚麼。

#kin247

This entry was posted in 啐念.

除夕

坐低無幾耐,明明防波堤有成公里咁長,偏偏會有一家大細踩單車係旁邊停低大大聲傾計,再將單車擺係另一面夾住我,有幾咁唔識做人,先會咁⋯

換個位置,隔無耐又有三個釣魚客來到,只隔兩三個身位身邊揮杆⋯ 釣魚條線就係我眼前浮浮沉沉,欲哭的寧靜當然冇埋。

都係孭番好個袋,繼續行漫漫長路。

#kin122

結尾

沒有像往年般滿是意念的寫年結篇章,甚至想不到該怎樣開始。概括這一年,是太多,也太難,也不知該怎樣說起。

經歷人生第一次的空窗期;轉換了一份工;看了很少的書,沒有預期的寫少了很多文;似乎已經無以為繼的關係;但對比香港發生的,卻未免顯得太太太太渺少,但當中有的哀傷是真實的,這一年所經歷的學到的也是珍貴的。

嗯,咁少字,但寫不下去了。或許再靜靜會好些。或許醒來會好些。或許明年會好些。

記一下:今天頂唔住開咗b119用,解救下。

#kin122

This entry was posted in 啐念.

迪迪尼

去了一趟迪迪尼。

以前都嚟過好幾次。但如果講開心,今次係最開心的了。因為真係明顯感受到心放開咗嘅歡樂,真係做到叉咗電,雖然,行到腳同腰都好攰。人到呢個年紀,有啲事真的不得不放開。求不得,就選擇放手。同朋友嚟都好開心吖,都唔一定要拍拖。

都唔知自己想寫咩。其實新工同諸事都甚忙,好疏懶。同時間,可以因為同某人越嚟越少見面,大概都可以為佢日後離開鋪鋪路。反正,都已經變成只係戲友飯友⋯

寫咁大堆嘢,都係想post吓張相。同提醒下自己,前面仲有好長嘅路。日後睇番呢篇blog呢張相,都應該回憶番啲開心嘅嘢。

緘默

(我啲時間就花係佢個籮柚度)

好耐冇更新呢度了。主要係因為早陣子狀態有點波動 / 返新工在能量、身體、節奏都調適中 / 冇時間咁,所以想寫都的唔起心肝咁。

簡短記一記今日的收到的。話說今日受朋友所託幫佢安排一個healing session,地點在她家。朋友早前其實問有冇咩班岩佢讀,但隔住WhatsApp 都覺能量有點塞,於是遠傳咁解決咗佢身體上的狀況先。咁今日做完session,佢避席嘅老公返到,我都認識的,坐係窗台食住煙咁聽我地對話。

當中能量開始有啲停滯,我望望阿老公氣牆有點灰,順口問了句工作如何⋯ 然後,高我就撳停咗我,要我緘默,然後,就無再接續下去。

記呢件事,碰巧在綠格 kin39呢日,我想,大概係我嚟緊要好好記得,有些事縱然我知道,但要尊重個體,係唔係正在適當時候同空間去接收訊息。如果對方不,又或者隨自己意涉入,都不過是小我的一部分,影響對方嘅節奏。

另一件類似嘅事發生係剪髮中。不過就無太牽涉咁靈性嘅部分。但適當時保持緘默,都係讓事件流動嘅方式。

大致係咁,估唔到綠格都有有趣事。以上~

Little Fresh

人生第一份工嘅同事約食飯,約咗兩年,因為反修例因為疫情一拖再拖。這日同事突然係group臨時約,另外一個同事又有空,即興選了可以book枱的Little Fresh食飯。

久聞Little Fresh「好好食」,果然沒有失望。不過提出飯聚嘅同事同佢老公(都係舊同事)因為疫情冇工開好耐,加埋我,除了一個有穩定工作嘅同事,見份量不大,係有少少肉赤。不過偶爾一次唔緊要啦。

兩年前想約食飯都係想圍爐同路人傾計,畢竟大部分舊同事竟然係藍人。豈料今次除咗圍爐,仲講移民。舊同事兩公婆係英國連樓都買了,只待多半年就離開。有小朋友的家庭,係香港前途上,的確需要更多的考慮。

約定下次要再出來farewell,英國食西餐,咁下次出嚟就一定要幫襯中餐了。