食食下早午餐想起寫blog，就影張相紀錄一下。
之前一直忙工作同偶爾上pole / stretching 就不贅。某程度上係relax嘅一種方法。不過呢個都開始不管用，皇上入院曾經瀕臨「最好做好隨時嘅心理準備」後，挑戰升級，連pole都得放棄（每周一次的stretching 必須要堅持）。
呢段時間其實無數咁多次懷疑人生，點解成世人由有記憶開始就不斷發生呢啲事，好似成世人不停圍住屋企同人地轉，就算明明可以跟隨自己意願決定，最後都係以家人考量為先（但呢個係自己意願）。可能我真係有夠累，自己做完手術出院跟手就送番皇上入院，坐8個鐘等個床位，呢個幾兩個月冇一日可以瞓得舒服可以多過8個鐘，連手術後麻醉藥都未過就嘈醒咗，呢個幾月就只有係私家病房幾個鐘嘅寧靜。
我知我唔應該放負，但想呻下。當然都有諗下大隻佬嘅李鳳儀，有啲事注定要咁發展，就算同一個家每個人嘅際遇都不同，我就要學識安慰自己，可能我嘅life purpose就係做達成人地嗰個。
