Explorer

本來是想去吃蒸盧,但人太多,既然如此轉陣桔想試好耐的餐廳。

結果,龍蝦湯得蝦味,蝦意粉也不新鮮。好失望,有點中伏feel。同行的某人一副得戚樣,因為佢話要去沙田但我話要去石門的(仲要遲到咗)。

餐廳有提供日式刺身和壽司,見好多枱都點了。或者食日本嘢不錯呱⋯

運動啦

話說買了Gym room 的年費都好幾個月,買了不久後傷了hamstring,瑜伽不太做得到,會痛,就不要浪費會藉,認真少少開始試做gym。

然後早幾星期某日,有個幾靚仔的PT搭訕,頗用心指正沒有提過但其實有問題的部位,他也沒有像一般PT好hardsell,所以就少少地買了些堂,睇下可唔可以改善一直都冇好轉過的位置。

其實在簽約前(覺得自己好勇,水逆耶!),在推上提過PT搭訕的事。結果有人自我推薦,但另有推友給我看相關人仕的IG⋯ 倒讓我覺得自己勤力少少,可能會較大說服力,到時擺相睇下邊個吸睛啲(某程度上我都好暗黑 😂),所以簽PT呢回事,其實呢件事都推咗一把。

星期六本來約了PT,不過我遲到了後來佢又冇時間(水逆),結果第一堂就是冇第一堂,佢偷閒教咗點用foam鬆肌肉。雖然運動完後去了按摩,但長久的累可不是一個鐘可拆解得了,於是是夜的起心肝,搵番衝動買咗好貴的mat(又係水逆的錯),和用咗好多年都唔拆包裝膠的foam,碌咗一整個鐘全身汗,好爽。希望堅持到啦。

記一下,希望快啲練到個靚波地出嚟啦。

(不過又,光是做運動出汗已經夠爽,結果反而是其次⋯)