2022

轉眼就過咗一年。

今年寫嘅文有點少。時間都用咗嚟返工、上堂、瞓覺同拍籮。精神有啲唔夠,見朋友同想見朋友嘅心少咗好多。唯一係同姊妹朋友課金迪迪尼金卡,比較多入場當公園行。

書都看得比以往少,幸好都有幾本。唔算特登去涉獵不過因著彩油而開始學習時間法則,和再深層地去塔羅 – 沒想到因此開始進入卡巴拉的世界。

當然2022年有願望想有感情的發展,不過事實沒有。但時間在內省都沒有虛渡過。希望2023年係感情方面有發展啦⋯ 係的我真的覺得好需要被好好疼錫。

當然啦,希望2023年家人和朋友,都過得健康幸福。

Poseidon

因為寫《種子》的文碰巧連結到新油波塞冬,google 一下相關嘅資料,見到呢段Mike Booth 講關於波塞冬的翻譯:

波賽頓給予我們真正關心自己的機會、盡可能完全地愛自己,讓我們有機會和能力放下那些不再適合我們的東西、那些和過時又不受歡迎有關的方式,是時候放下過往繼續前進,建立一種更有幫助、更有支持性的方式,成為最好的自己。

完成咗文章就帶皇上趕去食做冬飯。不料未坐低就遭到情緒暴力,整餐飯都唔想出聲但又要扮冇事相當難受。而家再睇番Mike Booth 呢段,過往經歷過嘅情緒暴力又豈止呢次?以前簡直係司空見慣,只係近年少咗。想深一層,那大大小小不同的情緒暴力成為一次又一次的控制,雖然我有自由意志,但可以做的卻很少,與成為最好的自己距離也很遠。縱使看來好像放下,但前路仍像沒有盡頭的路途,很多時,都感到洩氣。