郊遊30分鐘

早上黃雨所以午飯叫了外賣,飯後有時間見天晴,趁好時光邀了較相熟的同事帶我逛。

雖然在南生圍另一端,但是也見到好些雀鳥。同事笑說返工的好處就是lunch可以郊遊,不用特地放假山長水遠碌過來。

他還笑說可以試下拎半日假,早上如常跟公司車返工,下午暢遊南生圍,收工時間返公司搭公司車回家,車錢和時間都可以慳番。

今日時間有點趕,以後開始帶飯就可以常遊了。

日食

雖說元朗出名多嘢食,但公司位置唔係市中心,食飯時間又趕,返工一個多月都係茶記同米線輪迴。

呢排駛得多錢都想對自己好點,拉埋皇上去家附近日式餐廳開餐,天氣涼都要食魚生飯安慰自己。雖然味道一般但都好安慰。

最近對食的慾望好好好大啊。

二月

久違的失眠。

自從返了新工,因為工作時間長咗的關係,日日撻落床都累到斷片。新年假第一天全日補眠狀態,搞到而家瞓唔著。

轉眼到了二月。

過往的恐懼感上年明明漸淡,今年又有重來跡象。舖天蓋地的情意綿綿會忽然令我想流淚。其實上星期心結也忽然像解了般覺得自由,眼淚卻會無端流下。不喜歡這種感覺,想逃離。以往悄悄的祈求二月的甚麼,已經沒有那份期待了。

心自由是很爽的一件事,但,也像空盪盪的。