Little Fresh

人生第一份工嘅同事約食飯,約咗兩年,因為反修例因為疫情一拖再拖。這日同事突然係group臨時約,另外一個同事又有空,即興選了可以book枱的Little Fresh食飯。

久聞Little Fresh「好好食」,果然沒有失望。不過提出飯聚嘅同事同佢老公(都係舊同事)因為疫情冇工開好耐,加埋我,除了一個有穩定工作嘅同事,見份量不大,係有少少肉赤。不過偶爾一次唔緊要啦。

兩年前想約食飯都係想圍爐同路人傾計,畢竟大部分舊同事竟然係藍人。豈料今次除咗圍爐,仲講移民。舊同事兩公婆係英國連樓都買了,只待多半年就離開。有小朋友的家庭,係香港前途上,的確需要更多的考慮。

約定下次要再出來farewell,英國食西餐,咁下次出嚟就一定要幫襯中餐了。

Villa Villa

其實都不盡困係屋企照顧皇上。都有少少走盞位攝出嚟,大多數時間係覆診隻腳又或者去食個lunch咁。噚日上完堂朋友問不如食個lunch分享下,兩個都係港島人加上鞍山過海快就去咗天后。

掛住傾忘記逐樣影。不過呢個黃金薯條真係好邪惡。其他食物都好食,咖啡好飲,價錢相宜,有機會要再去。

This entry was posted in 樂嚐.

Little Break

和兩個好耐冇見的polemate朋友練完pole,轉到荔枝角開餐,朋友想去的店等好耐,另一個建議去little break,說吃過不錯,打電話問店又說有位,雖然心裡面不太想,最後都來了。

這家店好幾年前光顧過,當時滿有期待,但價錢和食物質素不成對比,之後都沒有再來。第一次光顧的朋友有打算日後移民開cafe,對咖啡快速起泡和拉花快速化掉有點不滿,的確沖得不好才如此,坦言不會再有下次。我就對價錢$178的All Day Breakfast心生不滿,但沒有出聲(😒),想給多次機會,最後一邊吃一邊掛念 The Bound by Hollywood的出品。

幸好咸點pancake都算有驚喜,和三個女仔叫兩份餐,冇咁肉赤。沒辦法,待業嘛,要量入為出呀~

Sheep and Pig

上完堂本來想吃附近的清湯腩店。但去到店才知不做晚市,急急開了app搵食。

選了附近的Sheep and Pig

價格不算便宜,但偶爾一次,不要緊。

慢煮雞,雞髀好夠滑,薯蓉和菇都好好味,不錯~

文記與文青啡

某日與某人外出,本來嗰日說過好想飲咖啡但去了食混醬多,這日某人知道文記原來係黃店,就話去食車仔麵。

因為第一次去又多嘢點有啲混亂,結果忘記點飲品。

(文記真係好好食⋯)

然後,某人忽然話「深水埗唔係有條文青街好多cafe?」結果又去了文青街飲咖啡。

有時候其實都迷惘,但呢啲細節位,一點一點的,又覺得窩心。還是不要想太多好了。

開年飯

皇上平時煮飯都不錯的,但因為原本想將左下碟雞做「創作料理」(「菠蘿青椒雞」),怕咗,自動自覺煮咗初二呢餐開年飯。

髮菜鮑魚冬菇係皇上煮的,整體屋企人話唔錯,但我都係覺得薑蔥爆雞未夠火侯。下次再試下可唔可以嚟個火鑊炒先。

開局

2021年開局日,與朋友去了Cupping Room新開的餐廳食第一餐,再移師朋友家中,飲下茶抽下牌吹下水做下冥想渡過2021年第一個下晝。

拖了14日才出文,的確重整一下自己。

新一年,繼續好好做人咁啦。

Good Day

想來好耐了。這日在附近private studio練pole,練完找點甜吃的,同放空。

自小在這區長大,在這個角度,與和熙的太陽,腦袋一下子就放鬆了。

在這裡看書應該好正~