Top Blade Steak Lab

農曆年前的一餐。

上完堂碌了去銅記,聽桔說呢度薯條任食,一個人鋸扒呢啲毒女事難唔到我,照去。

竟然也巧遇桔!

扒好吃,薯條好吃,好想念。

希望疫情快快過去啦!好想隨心行隨心吃呀⋯

阿土雞

推友推介的黃店,碰巧在studio對面。之前上堂前吃過不少種類的晚餐,burger同串燒都在上堂期間消化搞到胃不適,就不敢再試了。

這個份量唔要麵剛好,又好味。吃了這個上堂身體胃無抗議,當日上堂又狀態幾好,可能同呢個有關。

推介。

Burger Joy

耳鳴時好時壞,polemate朋友極力推薦灣仔某醫師,見平日只開到7點,又沒心機工作,拎半日病假先到上環做快遞員,再快遞代購彩油給朋友,約在灣仔診所附近見面。

灣仔都算多黃店,但都在另一邊。因為趕著睇醫生,匆匆吃了Burger。朋友猛叫好食好食。

說起來都很久沒吃馬拉糕了。那個曾經一起吃過好多次馬拉糕的某人,不知他近來可好?

Urban Coffee Roaster

@Urban Coffee Roaster, 黃,原來有識人識老闆

因為有polemate朋友結婚約派帖,其中一個朋友建議尖咀小聚,我快手揀了黃店,支持一下。

其中一個朋友好久沒見,平時面書沒甚update,一向愛扮靚,又是律師,之前都跟準新娘子討論怕朋友係藍。結果坐低不久朋友就鬧林鄭鬧政府,亦因為其男友的工作知道多一點點某位呢期仆街官的言行,知道朋友黃,就可以放懷傾計。

除了政治,都分享了好多近況。不過不遠處理大開拖,大家都一邊傾一邊慨嘆平衡宇宙咁。

回家收到另一個朋友擔心我的安全,問我位置。自從上次行到腳痛又跑不動,不敢成為負累。唯有金錢和能量上繼續集氣支持。

核爆都不割蓆。

18 Grams

鞍山沙田友找黃店不易。星期日上完堂就回沙田,餓又想不到食咩,想起超市入面有間咖啡店係黃,就去。

本來幫襯咖啡店都多飲手沖,但最近著實需要甜,叫了個hazelnut,好飲,由好型的女咖啡師沖。

在超市買了個muffle帶去食,看一陣書,小休一陣先歸隊。

Butcher’s Club

做完面去開餐。

其實都一段時間沒幫襯,以前是先落單付款後送餐,不過已經改了。

經過連日的疲累,一邊吃一邊發呆,結果沒埋單就走了,在回家途中才想起吃了霸王餐。

第二天約了朋友見面,就約在附近先埋了吃霸王餐的帳。店員好開心,說「我認得你架記得你食咩。」

真係要小心唔好做錯事至得。😂

Kitchen

@W Hotel

朋友約大家端午節見面,十多人挑了間精緻一點開揚一點的自助餐。

雖然加加減減人數又找有折都花了些時間處理,但見到朋友終於有回昔日笑臉,bb 也健康成長,心情也寬了點。

七折後價錢雖然也不便宜,但景色好、食物味道好,服務細心已經很值得。不過可惜路途相當遙遠,所以⋯ 都等有機會再去好了。