是日工作至半夜先收工，攰到死又唔願瞓，追回全日面書news feed，係咁碌碌碌，企圖希望看到一點佔中有關的資訊。但生活回復「正常」，時事果然不在香港人生活之列中。

回個帶好了。

放張盲俠行影的selfie。話說今年一大班朋友玩盲俠行，還要參加造型比賽。於是搵咗日响深水埗搞足一日，又碌入至怕的將軍澳整服飾。大家好有默契，不約而同將支持擺上件衫度。雖然，其實件衫好唔環保，又重。

因為有七色led燈，仲大大把傘狀螢光棒放响背脊，所以效果好出。好多盲俠之友要求和我們合照。點知最後竟然比cosplay 孖寶拎咗造型大獎。

不過算，孭住件發光黃絲帶雨褸真係幾型。哈。

最近收到面書一個邀請回覆了但未執筆。定個目標今個星期必須要完成。都係個句，一切從來未完，只是換了方式。

吁，寫完呢篇blog都終於捨得瞓了。（天啊聽朝又要一早起身啊呀呀）