（內容不符 – 隔離期間霸下廚房煮皇上少吃的意粉）

自律隔離嘛，但無辦法的情況下都有幾日落一落街快買日用品，有做足措施的，最長四日足不出戶，係人生以來第一次。

Home office開工要report duty收工時間要報收工，如果唔係心繫工作屈到攰，其實可以更長時間唔出街。如果屋企夠大，有空間做運動就更好⋯

不過現實係運動量不足，年紀都唔小了少少嘢真係有點氣來氣喘。另外追晒《滅鬼之刃》漫畫，但書一頁都冇睇過⋯

老實說過年前已經狀態不佳，很多事都提不起勁，無心情，莫講恭喜人家發財。這趟回鄉看到大媽重病，想想她一個人在皇上投奔香港時辛勤地維持大陸的家，對皇上另有家室都無怨無悔，對阿妹和我寵愛有加⋯ 這趟回去她已認不出我們，和去年清明一路不捨的尾隨送別，內心難過。

其實都有朋友教訓點解呢啲情況仲要返大陸。皇上年紀大，當然會有風險。唯有做足最好的，將兩老的遺憾減到最少。