午飯吃著美心唯一叫好味的「焗豬飯」，想起星期六呢碟富士山(蛋)下飯。

星期六夾硬拉了同事朋友去奧海城看《昂山素姬》，她老家在大角咀，於是帶我去她聞名已久但未見過開檔的《神廚館》。

店好小，只有12個位。牆上貼滿雜誌報導，形容為「傳奇」，但要$45一個飯不禁打了個突。但一咬馳名墨魚餅，嘩，個種感覺是味吉陽一咁大叫「好好味呀！」的程度。

墨魚餅新鮮有彈口又夠香，脆漿厚度適中，不會太吸油，配上紫菜絲好正！太陽蛋也大愛！因為太好味，連平時不愛吃的椰菜也清晒，絕對的齒頰留香⋯

家庭式經營，廚水吧好像一家人包辦的樣子，邊做邊講Lady Gaga去日本去意大利旅行planning。星期一至五只開到晚上6點，星期六收4點，星期日休息的。看來想再咬墨魚餅，要星期六下午才行。

好掛住啊！